Narón, 17 de marzo de 2025. O Concello conmemorará o Día mundial da Poesía na Biblioteca cunha proposta que terá lugar este sábado, día 22, nas instalacións da Biblioteca municipal. A proposta, tal e como indicou a edil responsable da área, Olga Ameneiro, consistirá nun obradoiro no que se explicará aos participantes a técnica para compoñer poesía. A actividade “#VersosdeBalda”, que dará comezo ás 11:00 horas, diríxese a persoas a partir de 5 anos, aínda que está pensada principalmente para participar en familia, co fin de compartir un tempo de xogo, creatividade e aprendizaxe. Dende a Biblioteca recordaron que hai tempo que comparten nas súas redes sociais os #VersosdeBalda, composicións que crean a partir dos títulos de libros, xogando coa disposición e combinación das palabras para formar poemas. Para participar é preciso ter o carné da rede de bibliotecas sen sancións pendientes. As prazas poden reservarse a partir de mañá martes, ás 16:00 horas, de xeito presencial na Biblioteca ou chamando ao número de teléfono 981 382 173.