Narón, 19 de decembro de 2024. Unha muller de 42 anos residente en Viveiro (Lugo), Rejane S. de G., resultou onte asasinada cun arma branca pola súa parella, Ramón C, de 48 anos. A vítima tiña dous fillos e traballaba na citada localidade lucense. Este novo caso de violencia de xénero eleva actualmente a 46 a cifra de mulleres asasinadas no que vai de ano en España. A alcaldesa, Marián Ferreiro, presidiu a concentración, na que se gardou un minuto de silencio e á que tamén acudiron a edil de Igualdade, María Lorenzo, e outros representantes da corporación local, así como traballadoras e traballadores do Consistorio e algúns veciños e veciñas. Dende o Concello amosouse unha vez máis a total condena e rechazo a este tipo de feitos, ao tempo que se manifestou a solidariedade coa familia e amizades da vítima.